Makalipas ang mahigit 3 taon, MRT-3 muling nakapagpabiyahe ng 20 tren

Dalawampung train sets ang napabiyahe sa MRT-3 ngayong araw, June 1 na unang araw ng pag-iral ng general community quarantine (GCQ) sa Metro Manila.

Sa 20 bumibiyaheng train sets, 17 ang CKD train sets at tatlo ang Dalian train sets.

Mayroon namang anim na minuto na paghihintay bago dumating ang susunod na tren.

Huling nakapagpabiyahe ng 20 train sets sa MRT-3 ay noong pang March 2017.

Bawat train sets ng MRT-3 ay nagsasakay ng 153 na pasahero o 51 pasahero bawat bagon.