Pangulong Duterte, nagpasalamat kay King Hamad Bin Isa Al Khalifa ng Bahrain sa pagbibigay ng Royal Pardon sa 16 Filipino

Pinasalamatan ni Pangulong Rodrigo Duterte si King Hamad Bin Isa Al Khalifa ng Bahrain dahil sa pagbibigay ng royal pardon sa 16 Filipino.

Kabilang sa mga nakalaya ang dalawang Filipino na nabigyan ng pardon sa katatapos na pagdiriwang ng Eid’l Fitr.

“This act of humanity by His Majesty King Hamad Bin Isa Al Khalifa provides renewed hope and an opportunity for our countrymen and women to build new lives,” ang mensahe ng Pangulo.

Sinabi pa ng Pangulo na ang pagbibigay ng Royal Pardon ay patunay na matibay ang ugnayan ng Pilipinas at Bahrain pati na ang kanyang pakikipag-kaibigan kay King Hamad Bin Isa Al Khalifa.

Pangako ng Pangulo, patuloy siyang makkipag-ugnayan sa Bahrain para mapalalim pa ang bilateral ties ng dalawang bansa.