Kaso ng COVID-19 sa QC 2,099 na

Umabot na sa 2,099 ang bilang ng kumpirmadong kaso ng COVID-19 sa Quezon City.

Ayon sa datos, sa 2,099 na nakumpirmang mga kaso, 1,932 na pasyente ang tukoy na ang kumpletong address.

Habang 1,774 na kaso naman ang na-validate na ng QC Epidemiology and Disease Surveillance Unit.

Mayroon namang 805 na pasyenteng naka-recover na sa sakit, habang 175 ang pumanaw.

Mayroon pang 1,071 na suspected COVID-19 cases sa lungsod.