Mahigit 15,500 na OFWs napauwi na sa mga lalawigan – DOTr
Sa loob ng nagdaang mga araw umabot sa mahigit 15,000 Overseas Filipino Workers ang naserbisyuhan sa ilalim ng ‘Hatid Probinsya para sa mga OFWs’ Program.
Ayon sa datos ng Department of Transportation (DOTr), umabot na sa 15,591 ang napauwing OFWs sa kanilang mga lalawigan.
Sa nasabing bilang, 3,921 ang naihatid by land, 8,457 ang bumiyahe sa pamamagitan ng eroplano mula May 25 hanggang May 28.
Habang 3,213 naman ang bumiyahe sa pamamagitan ng barko mula April 27 hanggang May 28.
Ngayong araw at sa mga susunod pang araw ay magpapatuloy ang pagpapauwi sa mga OFW na nakatapos na ng quarantine at nag-negatibo sa COVID-19.
Ang “Hatid Probinsya para sa mga OFWs” ay pinangungunahan ng DOTr, DOLE, OWWA, CAAP, PCG, DILG, PPA, OTS, MIAA, LTO at LTFRB.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.