Lahat ng visa interviews, kanselado hanggang June 11 – U.S. Embassy sa Maynila

By Angellic Jordan May 28, 2020 - 09:04 PM

Kinansela ng U.S. Embassy sa Maynila ang lahat ng immigrant at nonimmigrant visa interviews na naka-schedule hanggang June 11.

Ayon sa embahada, ito ay bunsod ng ipinatutupad na community quarantine measures ng Pilipinas upang maiwasan ang pagkalat ng COVID-19.

Magbabalik naman ang routine visa services sa lalong madaling panahon ngunit hindi pa sila makapagbigay ng petsa sa ngayon.

Maaaring magpa-reschedule ng visa interview ang mga apektadong aplikante kapag naialis na ang community quarantine sa Metro Manila.

Maaaring tumawag sa Embassy call center sa numerong +63 (2) 7792-8988 at +63 (2) 8548-8223.

Pwede ring gamitin ang kanilang online appointment system sa ustraveldocs.com/ph.

“There is no fee to change an appointment and visa application fees are valid for one year in the country where the fee was paid,” dagdag pa ng embahada.

TAGS: cancelled visa interviews, community quarantine measures, Inquirer News, Radyo Inquirer news, U.S Embassy in Manila, visa interviews, cancelled visa interviews, community quarantine measures, Inquirer News, Radyo Inquirer news, U.S Embassy in Manila, visa interviews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.