Pagtaas ng kaso ng COVID-19, dulot ng case validation – DOH
Nagpaliwanag ang Department of Health (DOH) ukol sa muling pagtaas ng mga napapaulat na kaso ng COVID-19 sa Pilipinas kada araw.
Sa virtual presser, sinabi ni Health Undersecretary Maria Rosario Vergeire na ito ay dulot ng isinasagawang pag-validate sa mga kaso ng nakakahawang sakit sa bansa.
Bumuti aniya ang case validation capability sa bansa dahil sa pag-hire ng karagdagan pang encoders.
Bunsod nito, asahan pa aniyang sa mga darating na araw ay posibleng tumaas ang COVID-19 cases.
Sa datos ng DOH hanggang 4:00, Huwebes ng hapon (May 28), umabot sa 539 ang bagong napaulat na COVID-19 case sa bansa sa nakalipas lamang na 24 oras.
Ito na ang pinakamataas na naitalang kaso ng COVID-19 sa bansa sa loob lamang ng isang araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.