SUV ni Angel Locsin ‘for sale’ para makalikom ng pondo sa mass testing sa COVID-19

Kabilang ang SUV ni Angel Locsin sa mga ibinebenta ng aktres upang makalikom ng pondo para sa mass testing sa COVID-19.

Sa Instagram Account na Shop & Share, ibinebenta ng aktres ang kaniyang 2015 Dodge Durango.

Si Anne Curtis naman, ibinebenta ang kaniyang Chanel Cruise Boy North South Handbag 2019.

Sina Locsin at Curtis ang nag-umpisa ng Shop & Share project.

Layunin nitong hikayatin ang mga kapwa nila artista na magbenta ng gamit.

At ang malilikom na pera ay gagamitin para magastusan ang mass testing sa mga underprivileged.