Hyun Bin ng Crash Landing on You bagong endorser ng Smart at Bench
Kinumpirma ni PLDT Chairman at President Manny Pangilinan na si Hyun Bin ng Korean Drama na “Crash Landing on You” ang bagong endorser ng Smart.
Ito ay matapos na mag-post ng video teaser ang Smart na nagpapakita kay Hyun Bin habang sumasakay ng kotse.
Ang nasabing teaser ay mayroong caption na “The captain is coming. Watch out for the big RiVeal”.
Kasunod nito ay nag-tweet si MVP ay sinabing ang online at TV ads ng Smart kung saan si Hyun Bin ang endorser ay lalabas sa Lunes, June 1.
Bago ito, nagbigay na rin ng patikim ang kumpanyang Bench na si Hyun Bin ay magiging bago nilang endorser.
Nag-post ang Bench sa kanilang Twitter account ng maiksing video at nakasaad na “Your Crush, Landing Soon”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.