COVID-19 Special Teams pinabubuo sa mga lungsod sa NCR may high-risk barangays
Iniutos ng Inter Agency Task Force o IATF ang pagbuo ng COVID-19 Special Teams sa mga lungsod sa Metro Manila na mayroong high-risk barangays.
Sa Resolution No. 4 ng IATF, sa sandaling umiral na ang general community quarantine (GCQ) sa Metro Manila simula sa June 1, 2020 ay dapat magkaroon ng COVID-19 Special Teams ang Quezon City, Maynila at Paranaque City.
Pinagbubuo din ng COVID-19 Special Teams ang Cebu City na simula sa June 1 ay sasailalim naman sa modified enhanced community quarantine.
Ang nasabing team ang magsasagawa ng surveillance at aksyon sa mga maituturing na high-risk barangays.
Maari pa rin kasing magpatupad ng lockdown sa mga barangay o bahagi ng barangay na matutukoy na may mataas na kaso ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.