Pito pang COVID-19 cases, napaulat sa Navotas City; Kabuuang bilang, 177 na

Nadagdagan pa nang pito ang bilang ng tinamaan ng COVID-19 sa Navotas City.

Ayon kay Mayor Toby Tiangco base sa update hanggang 6:00, Miyerkules ng gabi (May 27), naitala ang mga kaso sa sa mga sumusunod na barangay:
– NBBS Dagat-Dagatan – 2
– NBBS Kaunlaran – 2
– NBBN – 2
– Tangos South – 1
– Tanza 1 – 1

Dahil dito, umakyat na sa 177 ang confirmed COVID-19 cases sa lungsod.

Sa nasabing bilang, 100 ang naka-confine sa mga pagamutan o nakasailalim sa home quarantine.

Samantala, nanatili sa 29 ang bilang ng nasawi sa Navotas City bunsod ng nakakahawang sakit.

Apat naman ang bagong gumaling kung kaya 48 na ang total recoveries ng COVID-19 sa nasabing lungsod.