Ilang lugar sa Luzon, patuloy na uulanin sa susunod na mga oras
Patuloy na makakaranas ng pag-ulan ang ilang lalawigan sa Luzon, ayon sa PAGASA.
Sa thunderstorm advisory bandang 1:19 ng hapon, iiral ang katamtaman hanggang mabigat na buhos ng ulan na may kidlat at malakas na hangin sa Nueva Ecija, Bataan, Pampanga, at Cavite.
Maliban dito, maaapektuhan din ng pag-ulan ang Doña Remedios Trinidad, Norzagaray, San Jose Del Monte sa Bulacan; Rodriguez sa Rizal; San Clemente, Mayantoc, San Jose sa Tarlac; Santa Cruz, Candelaria, Masinloc, Palauig, Iba at Botolan sa Zambales.
Uulanin din ang General Nakar sa Quezon; Santa Maria, Famy, Siniloan at Mabitac sa Laguna; Tuy at Balayan sa Batangas.
Sinabi ng PAGASA na iiral ang pag-ulan sa susunod na dalawang oras.
Dahil dito, payo ng weather bureau, maging maingat sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.