Radio reporter patay sa pananambang sa Zamboanga del Sur

 

Patay sa tama ng bala ang isang mamamahayag sa Zamboanga Del Sur.

Ayon sa report na tinanggap ng National Union of Journalists of the Philippines o NUJP, ang nasawing biktima na si Elvis Ordaniza ay nagtamo ng dalawang tama ng bala sa dibdib.

Pinasok umano ng salarin ang biktima sa kanyang bahay at pinaputukan gamit ang kalibre .45 baril.

Si Ordaniza ay reporter ng dxWO Power99-FM na nakabase sa bayan ng Pitogo.

Nagsasagawa na ng imbestigasyon ang mga otoridad upang matukoy ang motibo at kung may kinalaman ang trabaho nito bilang mamamahayag sa pagpatay sa biktima./Jay Dones