BREAKING: Bilang ng tinamaan ng COVID-19 sa Pilipinas, 14,669 na
Lumobo pa ang bilang ng kumpirmadong kaso ng COVID-19 sa Pilipinas.
Sa tala ng Department of Health (DOH) hanggang 4:00, Martes ng hapon (May 26), 14,669 na ang tinamaan ng COVID-19 sa bansa.
Sa nasabing bilang, 10,371 ang aktibong kaso
Sinabi ng kagawaran na 350 ang bagong napaulat na kaso ng COVID-19 sa bansa.
Samantala, 13 ang nasawi pa kung kaya 886 na ang COVID-19 related deaths sa bansa.
89 naman ang bagong gumaling sa pandemiya.
Dahil dito, ang total recoveries ng nakakahawang sakit sa Pilipinas ay nasa 3,412 na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.