30 pamilya nawalan ng tirahan sa sunog sa Cubao, QC

Tinupok ng apoy ang mga bahay sa isang residential area sa 13th Avenue sa Cubao, Quezon City.

Nagsimula ang sunog ala 1:12 ng madaling araw ng Lunes (May 25).

Umabot sa 3rd alarma ng sunog, at dikit-dikit ang mga bahay na natupok.

Inaalam na ng Quezon City Fire Bureau kung ano ang pinagmulan ng apoy.

Tinataya namang aabot sa 30 pamilya ang nawalan ng tirahan.

Alas 2:18 ng madaling araw nang maideklarang fire out ang nasabing sunog.