97 patay sa pagbagsak ng eroplano sa Pakistan

Nasawi ang 97 katao makaraang bumagsak ang isang eroplano sa Karachi, Pakistan.

Bumagsak ang eroplano ng Pakistan International Airlines (PIA) sa isang residential area sa Karachi.

Bunsod nito, nasira ang ilang kabahayan at gusali sa nasabing lugar.

Ayon sa Sindh Health Ministry, narekober sa crash site ang mga labi ng mga nasawing pasahero at crew ng eroplano.

19 rito ang nakilala na ng mga otoridad.

Sa ngayon, nananatiling sarado ang pinangyarihan ng aksidente para sa isinasagawang rescue operation.