278 distressed OFW mula Qatar, balik-Pilipinas na

Nakauwi na ng Pilipinas ang 278 distressed overseas Filipino workers mula sa Doha, Qatar araw ng Huwebes (May 21).

Sinalubong ng ilang tauhan ng Department of Foreign Affairs (DFA) ang mga OFW sa Ninoy Aquino International Airport (NAIA).

Lulan ang mga OFW ng chartered flight PR685 ng Philippine Airlines.

Sinabi ng kagawaran na ito ang unang DFA-funded repatriation katuwang ng Philippine Embassy sa Doha.

Sasalang naman ang mga bagong uwing OFW sa 14 araw na mandatory quarantine.