3 araw na nationwide curfew ipatutupad sa Jordan

Magpapatupad ng tatlong araw na nationwide curfew sa Arab country na Jordan.

Ito ay kasunod ng pagtaas pa ng kaso ng COVID-19 sa bansa.

Huwebes ng hatinggabi ang simula ng curfew ayon kay Minister of State for Media Affairs Amjad Adaileh at magtatapos ito sa hatinggabi ng Linggo.

Exempted naman sa curfew ang mga medical workers at essential employees.

Ang Jordan ay mayroong 672 na kaso ng COVID-19.

Noong Miyerkules ay 23 kaso ang nadagdag na labis na ikinabahala ng pamahalaan.

Noong nakaraang buwan nagpatupad na ng lockdown sa Jordan pero muling nakapagtala nang pagtaas ng kaso ng sakit nang alisin ang lockdown pagpasok ng buwan ng Mayo.