Dahil sa posibleng epekto ng COVID pandemic sa mental health, NCMH nagbukas ng 24/7 hotline
Naglabas ng mensahe ang pamunuan ng National Center for Mental Health (NCMH) kaugnay sa kahalagahan ng pangangalaga sa malusog na kaisipan ngayong nahaharap ang bansa at buong mundo sa pandemya dulot ng COVID-19.
Ayon kay Dr. Roland Cortez, Chief ng NCMH, ang COVID-19 Pandemic ay nagbunsod ng takot at pagkabalisa sa buong mundo.
Maraming buhay na aniya ang nawala sanhi ng sakit.
Aniya, madalas ay nakatuon lamang ang pansin sa kung paano lalaban o maiiwasan ang karamdaman at tila nakakaligtaan kung paano pangalagaan ang pag-iisip o mental health.
“Understandably, our stress levels are at an all-time high. Yet, many (if not, all) of us would like to con- ceal our strong emotions because we don’t want to make things even worse for ourselves or our family and friends. Then again, the uncertainty of our current situation is also overwhelming. In his most recent weekly report about the government’s efforts against the COVID-19, President Rodrigo Duterte acknowledged that we need effective coping mechanisms to help maintain our well-being and equilibrium.” ayon kay Dr. Roland Cortez.
At bilang tugon sa panawagan ni Pangulong Rodrigo Duterte na magbigay ng mental health care sa publiko, sinabi ni Cortez na nagbukas ang National Center for Mental Health (NCMH) ng kanilang 24/7 Crisis Hotline.
Sinuman aniya na nakararanas ng anxiety o iba pang mental health issues ay tumawag lamang 0917-899-USAP (8727) o 8989-USAP (8727).
Aniya, kadalasan ay kailangan lamang ng isang indibiduwal na mayroong makausap.
Huwag aniyang mag-atubili ang mga ito na sila ay tawagan at handa ang kanilang mga eksperto na sila ay pakinggan.
Handa din silang ipagkaloob ang kanilang attention, compassion, at expertise sa mga nangangailangan.
“It’s okay to not be okay. We are here to assure you that what you are feeling is perfectly normal and that we are here to help you through it. ani Cortez.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.