Liquor ban sa Mandaluyong City, binawi na

Inalis na ng pamahalaang lungsod ng Mandaluyong ang pag-iral ng liquor ban.

Sa ibinahaging kopya ng Ordinance no. 777 S-2020 ng Marikina City Public Information office, pirmado na ito ni Mayor Menchie Abalos.

Layon ng ordinansa na payagan na muli ang pagbebenta at pagbili ng mga nakakalasing na inumin sa lungsod.

Ngunit, papayagan lamang ang pag-inom sa loob ng bahay para masunod pa rin ang social distancing measures at iba pang health and safety protocols sa COVID-19.

Ipinagbabawal pa rin ang pag-inom sa mga pampublikong lugar at restaurant o bar sa nasabing lungsod.

Hindi rin dapat mag-imbita ng mga bisita ang para mag-inuman sa loob ng bahay.