BREAKING: Bilang ng tinamaan ng COVID-19 sa Pilipinas, 12,942 na
Lumobo pa ang bilang ng kumpirmadong kaso ng COVID-19 sa Pilipinas.
Sa huling datos ng Department of Health (DOH) hanggang 4:00, Martes ng hapon (May 19), 12,942 na ang bilang ng mga nagpositibo sa nakakahawang sakit sa bansa.
224 ang panibagong napaulat na COVID-19 case sa bansa sa nakalipas na 24 oras.
Sa 224 na bagong kaso, 174 o 78 porsyento ay naitala sa National Capital Region, 17 o pitong porsyento sa Region 7 habang 33 o 15 porsyento sa iba pang lugar.
Nasa anim namang pasyente pa ang pumanaw kung kaya ang COVID-19 related deaths sa bansa ay 837 na.
Dagdag pa ng DOH, 114 ang bagong gumaling sa COVID-19 pandemic sa bansa.
Dahil dito, nasa 2,843 na ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.