Bilang ng tinamaan ng COVID-19 sa Pilipinas, 12,718 na
Tumaas pa ang bilang ng tinamaan ng coronavirus disease o COVID-19 sa Pilipinas ngayong araw Lunes, May 18.
Sa huling datos ng Department of Health (DOH) hanggang 4:00 ng hapon, 12,718 na ang kumpirmadong kaso ng nakakahawang sakit sa bansa.
205 ang panibagong napaulat na kaso sa nakalipas na 24 oras.
Sa 205 na bagong kaso, 145 o 71 porsyento ay naitala sa National Capital Region (NCR); 8 o 4 na porsyento sa Region 7; at 52 o 25 na porsyento sa iba pang lugar.
Pito pang pasyente ang pumanaw kung kaya ang COVID-19 related deaths sa bansa ay 831.
Dagdag pa ng DOH, 94 ang bagong gumaling sa COVID-19 sa Pilipinas.
Bunsod nito, nasa 2,729 na ang total recoveries ng sakit sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.