Ilang lalawigan sa Luzon uulanin – PAGASA

Makararanas ng pag-ulan dulot ng thunderstorm ang ilang lalawigan sa Luzon.

Sa inilabas na thunderstorm advisory ng PAGASA, makararanas ng moderate hanggang heavy na pag-ulan sa Tarlac, Nueva Ecija, Zambales, Bataan, Pampanga, Bulacan, at Rizal sa loob ng susunod na dalawang oras.

Ganitong lagay na rin ng panahon ang nararanasan sa ilang bahagi ng Metro Manila, partikular ang Las Pinas Muntinlupa at Paranaque.

Gayundin sa mga bayan ng San Pedro, Binan, Santa Cruz, Pila, Liliw, Alaminos, at San Pablo sa Laguna; mga bayan ng Real at General Nakar sa Quezon; Lipa, Santo Tomas, Malvar, Balete, Mataas na Kahoy at Talisay sa Batangas at ang lalawigan ng Cavite.

Pinapayuhan ang publiko na mag-antay sa mga inilalabas na abiso ng PAGASA.