Ayon kay Parañaque City Mayor Edwin Olivarez, inatasan niya ang City Health Office na agad i-isolate ang mga makikitang positibo sa COVID-19 sa mga barangay na sasailaim sa “strict community quarantine (SCQ).”
Ang lungsod ay mayroong 635 na kaso ng COVID-19.
Kabilang sa mga barangay na mayroong mataas na kaso ng COVID-19 sa lungsod ay ang San Dionisio (82 cases); San Antonio, (79); BF Homes, (66); Don Bosco, (60); Moonwalk, (58); at Baclaran, (49).
Sa ngayon ang bahagi ng mga Barangay San Dionisio, San Antonio, at Baclaran ang isasailalim sa istriktong community quarantine.
Maglalabas ng guidelines ang lokal na pamahalaan na ipatutupad sa mga sasakupin ng SCQ.