Korte Suprema nag-isyu ng guidelines sa pagbubukas ng mga korte sa ilalim ng general community quarantine
Nag-isyu ng guidelines ang Korte Suprema na susundin sa mga mga korte sa mga lugar sa bansa na sasailalim na lamang sa general community quarantine o GCQ.
Narito ang guidelines na kailangang sundin sa lahat ng korte mula May 16 hanggang 31:
– Lahat ng korte sa mga lugar na nasa GCQ ay dapat physically open na mula May 18 hanggang 29 pero magtatalaga lamang ng skeleton-staff at by rotation
– ang mga katanungan tungkol sa mga kaso, transaksyon, kabilang ang request para sa dokumento at serbisyo ay idadaan muna sa pamamagitan ng pagtawag sa hotline numbers, pag-email o sa social media account
– wala munang walk-in requests na ie-entertain sa mga korte sa GCQ areas
– ang mga hukom, mahistrado na mayroong medical conditions at maaring malantad sa COVID-19 ay maaring mag work from home
– lahat ng branches ng korte sa GCQ areas ay mag-ooperate mula 9AM hanggang 4PM Lunes hanggang Biyernes.
– Mananatiling suspendido ang operasyon ng mga night court at Saturday courts hanggang May 30.
– Ang mga korte sa GCQ areas ay pwedeng tumanggap ng petisyon at pleadings
– Maari na ring magsagawa ng raffle ng mga kaso
– tuloy din ang pagresolba sa mga kasong nakabinbin. Pwedeng gawin ang hearing sa korte o kaya ay sa pamamagitan ng videoconferencing
– tiyakin ang health hygiene protocols sa mga in-court hearings
Ang kabuuan ng guidelines ay maaring mabasa sa https://sc.judiciary.gov.ph/11371/
Ang naturang guidelines ay nilagdaan ni Chief Justice Diosdado Peralta.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.