Red rainfall warning nakataas sa Northern Samar at Sorsogon
Itinaas ng PAGASA ang heavy rainfall warning sa ilang lalawigan sa bansa.
Sa inilabas na abiso bandang 11:00, Huwebes ng gabi (May 14), ito ay dulot pa rin ng Typhoon Ambo.
Nakataas ang red warning level sa Northern Samar at Sorsogon.
Dahil dito, sinabi ng weather bureau na inaasahang makararanas ng matinding pagbaha sa mabababang lugar.
Maaari ring magkaroon ng pagguho ng lupa sa mga landslide prone area.
Sinabi ng PAGASA na asahan ang katamtaman hanggang malakas na kung minsan ay matinding buhos ng ulan sa Albay, Catanduanes, Masbate kabilang ang Burias at Ticao Island, Romblon, Marinduque, Camarines Sur at Camarines Norte sa susunod na dalawa hanggang tatlong oras.
Pinayuhan ang publiko at disaster risk reduction and management council na manatiling nakatutok sa lagay ng panahon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.