Yellow rainfall warning nakataas sa Biliran, Samar at Eastern Samar

Itinaas ng PAGASA ang heavy rainfall warning sa ilang lalawigan sa Visayas.

Sa inilabas na abiso bandang 5:00, Huwebes ng hapon (May 14), ito ay dulot pa rin ng Typhoon Ambo.

Nakataas ang yellow warning level sa Biliran, Eastern Samar at Samar.

Dahil dito, sinabi ng weather bureau na posibleng makaranas ng pagbaha sa mabababang lugar at pagguho ng lupa sa mga mabubundok na lugar.

Pinayuhan ang publiko at disaster risk reduction and management council na manatiling nakatutok sa lagay ng panahon.