COVID-19 cases sa Navotas City, umakyat na sa 89

Nadagdagan pa nang siyam ang bilang ng tinamaan ng COVID-19 sa Navotas City.

Ayon kay Mayor Toby Tiangco base sa update hanggang 4:00, Miyerkules ng gabi (May 13), naitala ang mga kaso sa mga sumusunod na barangay:
– NBBS Proper – 2
– BBN – 1
– Sipac – 1
– Bangkulasi – 1
– Daanghari – 1
– BBS – 1
– NBBN – 1
– NBBS Kaunlaran – 1

Dahil dito, umakyat na sa 89 ang confirmed COVID-19 cases sa lungsod.

Sa nasabing bilang, 50 ang naka-confine sa mga pagamutan o nakasailalim sa home quarantine.

Samantala, ang bilang ng nasawi sa Navotas City bunsod ng nakakahawang sakit ay 19 na.

Isa namang pasyente ang gumaling dahilan kaya ang total recoveries ay 20 na.