US nakapagtala ng mahigit 1,500 na nasawi sa COVID-19 sa magdamag
Umabot sa mahigit 1,500 na pasyente ng COVID-19 ang pumanaw sa Estados Unidos sa nakalipas na magdamag.
Sa ngayon umabot na sa 83,377 ang death toll sa US dahil sa sakit.
Mayroon naman itong mahigit 1,408,000 na kaso matapos makapagtala ng mahigit 22,000 na bagong COVID-19 cases sa magdamag.
Nananatiling ang Spain ang pangalawa sa mga bansang may pinakamaraming kaso ng COVID-19.
Mayroon na itong mahigit 269,000 cases at mahigit 26,900 ang nasawi.
Malaking bilang naman ang nadagdag sa kaso ng COVID-19 sa Russia at ito na ang ikatlo sa mga bansang may pinakamaraming kaso.
Ang Russia ay mayroong mahigit 232,000 COVID-19 cases pero mahigit 2,000 lamang ang death toll nito.
Patuloy din ang pagtaas ng kaso at nasasawi sa United Kingdom.
Mayroon na itong mahigit 226,000 cases at mahigit 30,900 deaths.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.