Palauig, Zambales niyanig ng magnitude 4.2 na lindol

Yumanig ang magnitude 4.2 na lindol sa Palauig, Zambales Martes ng hapon (May 12).

Sa datos ng Phivolcs, tumama ang lindol sa layong 6 kilometers Southwest ng Palauig bandang 3:46 ng hapon.

Nasa 48 kilometers ang lalim ng lindol at tectonic ang origin.

Gayunman, sinabi ng Phivolcs na walang napaulat na pinsala sa lugar.

Wala ring inaasahang aftershocks matapos ang pagyanig.