Police chiefs na sakop ng NCRPO ipasasailalim sa mandatory COVID-19 test

Plano ng National Capital Region Police Office (NCRPO) na magsagawa ng mandatory COVID-19 test sa lahat ng nasasakupan nitong chief of police.

Sa ngayon sinabi ni NCRPO chief, Major Gen. Debold Sinas na naglalatag na sila ng plano para maisailalim sa COVID-19 test ang mga chiefs of police at kanilang deputies.

Ayon kay Sinas, mas mahirap kasi ang contact tracing kung ang chief of police ang matatamaan ng COVID-19.

Maliban kasi sa kaniyang mga tauhan, ay may iba pang nakakahalubilo ang mga ito dahil dumadalo din sila sa iba pang pulong.

Magugunitang ang Camp Karingal sa Quezon City ay isinailalim sa tatlong araw na lockdown.

Ito ay matapos na labingtatlong pulis nito ang magpositibo sa COVID-19.