Pangulong Duterte wala pang pasya sa petsa ng pagbabalik ng klase

Wala pang pasya si Pangulong Rodrigo Duterte kung kailan magsisimula ang klase para sa school year 2020-2021.

Kasunod ito ng pahayag ng Department of Education (DepEd) na sa Agosto ang pagbabalik-klase ng mga mag-aaral.

Habang ang mga pribadong paaralan ay pwede nang magbalik-klase sa June pero wala munang face-to-face class.

Ayon sa pangulo naniniwala siyang hindi na talaga kayang maisulong ang pagbabalik eskwela sa Hunyo dahil sa banta ng COVID-19.

“Kayong mga estudyante makinig kayo, kung sabihin ko sa inyo na hanggang Disyembre walang klase anong gagawin ninyo ngayon? tatalon, palakpak!,” pahayag ng pangulo sa kaniyang public address.