299 pang OFWs nakabalik na sa bansa

Sa pagbabalik ng operasyon ng NAIA para sa mga inbound international flights, 299 na Overseas Filipino Workers (OFWs) ang napauwi sa bansa.

Ang nasabing mga Pinoy ay pawang crew members ng MV Azura mula sa London.

Ngayong balik na ang operasyon para sa inbound international flights, sinabi ng Department of Foreign Affairs (DFA) na magpapatuloy ang repatriation sa mga OFW.

Lahat ng uuwing OFWs ay sasailalim sa quarantine procedures ng pamahalaan.