Heat index sa Quezon City, pumalo sa 40 degrees Celsius

Matindi pa rin ang init at alinsangang panahon na naranasan sa Metro Manila, araw ng Lunes (May 11).

Ayon sa PAGASA, pumalo sa 40 degrees Celsius ang heat index o alinsangang naramdaman sa bahagi ng Science Garden sa Quezon City bandang 3:50 ng hapon.

Umabot naman sa 35.8 degrees Celsius ang air temperature sa nasabing lugar sa kaparehong oras.

Dahil dito, patuloy ang paalala ng weather bureau na dalasan ang pag-inom ng tubig.

Iwasan din ang anumang physical activities tuwing tanghali at hapon para makaiwas sa heat stress.