Bigtime oil price hike ipatutupad ng mga kumpanya ng langis bukas

May malakihang dagdag sa presyo ng produktong petrolyo ang mga kumpanya ng langis bukas, araw ng Martes (May 12, 2020).

Nauna nang nag-anunsyo ng halaga ng ipatutupad na dagdag presyo ng kumpanyang Shell at Seaoil.

Ayon sa Shell at Seoil alas 6:00 ng umaga bukas, tataas ng P2.00 kada litro ang presyo ng gasolina, P1.90 ang presyo ng kada litro ng diesel at P1.25 ang taas sa presyo ng kada litro ng kerosene.

Ngayong maghapon inaasahang mag-aanunsyo ng parehong halaga ng oil price increase ang iba pang kumpanya ng langis.

Ang bigtime oil price hike ay resulta ng pagbabawas sa oil production sa buong mundo.