Heat index sa Quezon City, pumalo sa 42 degrees Celsius

Muling nakaramdam ng matinding init at alinsangang panahon sa Metro Manila, araw ng Sabado (May 9).

Ayon sa PAGASA, pumalo sa 42 degrees Celsius ang heat index o alinsangang naramdaman sa bahagi ng Science Garden sa Quezon City bandang 3:50 ng hapon.

Umabot naman sa 36.5 degrees Celsius ang air temperature sa nasabing lugar sa kaparehong oras.

Dahil dito, patuloy ang paalala ng weather bureau na dalasan ang pag-inom ng tubig.

Iwasan din ang anumang physical activities tuwing tanghali at hapon para makaiwas sa heat stress.