Mga Pinoy sa abroad na tinamaan ng COVID-19, 1,922 na; 21 ang nadagdag
Nadagdagan pa nang 21 ang bilang ng mga Filipino na apektado ng Coronavirus Disease o COVID-19 sa ibang bansa.
Sa datos ng Department of Foreign Affairs (DFA) hanggang May 7, nasa 1,922 na overseas Filipinos (OFs) ang kumpirmadong positibo sa COVID-19 sa 46 na bansa at rehiyon.
Sa nasabing bilang, 1,143 ang patuloy na nagpapagamot sa iba’t ibang ospital.
Ayon sa DFA, 557 naman ang naka-recover sa nakakahawang sakit o na-discharge na sa ospital.
Nasa 222 naman ang bilang ng Pinoy abroad na pumanaw dahil sa COVID-19.
Pinakamarami pa ring naitalang confirmed COVID-19 positive na OF sa bahagi ng Europa na may 612 na kaso.
Sumunod dito ang Americas na may 503 confirmed COVID-19 positive cases na OF.
Nasa 373 naman ang kaso sa Asia Pacific Region at 434 sa Middle East/Africa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.