Kaso ng COVID-19 sa Quezon City, 1,464 na

Umakyat na sa 1,464 ang bilang ng nagpositibong kaso ng COVID-19 sa Quezon City.

Ito ay batay sa update ng Epidemiology and Disease Surveillance at Quezon City Health Development hanggang 11:00, Miyerkules ng gabi (May 6).

Sa nasabing bilang, 1,324 ang nakumpirmang kaso ng DOH na may kumpletong address.

Nasa 1,102 naman ang mga kaso na na-validate ng QCESU at district health offices.

Sa ngayon, 678 ang aktibong kaso ng COVID-19 pandemic sa lungsod.

292 ang naka-recover at 132 ang pumanaw bunsod pa rin ng nakakahawang sakit.