Bilang ng mga nagpositibo sa COVID-19 sa Las Piñas umabot na sa 193

Tumaas pa ang bilang ng mga nagpositibo sa Coronavirus Disease o COVID-19 sa lungsod ng Las Piñas.

Ayon sa huling datos ng Las Piñas Health Office (May 7), umabot na sa 193 ang bilang ng COVID-19 positive cases sa lungsod.

Nasa 45 naman ang naka-recover na sa virus.

Umabot naman na sa 21 ang nasawi sa COVID-19.

Ang bilang naman ng suspected cases ay umabot na sa 65 habang isa naman ang probable.