Metro Manila at ilang lalawigan sa Luzon, makakaranas ng pag-ulan

Makararanas ng pag-ulan ang Metro Manila at ilang lalawigan sa Luzon, ayon sa PAGASA.

Batay sa thunderstorm advisory ng weather bureau bandang 9:39 ng gabi, iiral ang katamtaman hanggang mabigay na buhos ng ulan na posibleng may kidlat at malakas na hangin sa Rizal, Tarlac, Nueva Ecija, Bulacan, Batangas, Laguna, Quezon at Cavite.

Maaari rin anilang maranasan ang nasabing lagay ng panahon sa Metro Manila.

Ayon sa PAGASA, iiral ang pag-ulan sa susunod na dalawang oras.

Nag-abiso naman ang weather bureau na maging maingat sa posibleng pagbaha o pagguho ng lupa bunsod ng pag-ulan.