Antas ng tubig sa Angat dam at iba pang dam sa Luzon nabawasan sa magdamag

Nabawasan pa ang antas ng tubig ng Angat dam at iba pang dam sa Luzon sa nakalipas magdamag.

Ayon sa PAGASA-Hydrometeorology Division, ang antas ng tubig ng Angat dam ay nasa 189.47 meters alas-6:00 umaga ng Martes (May 5) mas mababa sa antas nito kahapon na 189.66 meters.

Nabawasan din ang antas ng tubig sa La Mesa dam na nasa 76.49 mas mababa sa antas nito kahapon na 76.56 meters habang bahagyang nadagdagan ang antas ng tubig ng Ipo dam na nasa 99.85 meters ngayong umaga mas mababa sa antas nito kahapon na 99.82.

Samantala, nabawasan din ang water level ng Ambuklao, San Roque at Caliraya dams.

Nadagdagan naman ang water level ng Binga, Pantabangan at Magat dams.