Dagdag-bawas sa presyo ng produktong petrolyo, epektibo na

Epektibo na ngayong araw ng Martes, May 5 ang dagdag-bawas sa presyo ng mga produktong petrolyo.

May dagdag na 75 centavos sa presyo ng kada litro ng gasolina, habang may kaltas naman na 60 centavos sa kada litro ng kerosene at kaltas din na 10 centavos sa kada litro ng diesel.

Epektibo ang price adjustment alas 6:00 ng umaga ng mga kumpanyang Shell, Petron, Sea Oil, Flying V, Petro Gazz, Phoenix Petroleum, at PTT.

Ang Chevron ay mas nauna nang nagpatupad ng paggalaw sa presyo alas 12:01 ng madaling araw.

Habang alas 8:01 naman ng umaga ang price adjustment ng kumpanyang Cleanfuel.