Bicol region, walang bagong naitalang COVID-19 case
Walang bagong napaulat na tinamaan ng COVID-19 sa Bicol region.
Batay sa huling datos ng DOH CHD – Bicol hanggang 6:00, Lunes ng gabi (May 4), nanatili sa 46 ang kumpirmadong COVID-19 cases sa rehiyon.
Sa ngayon, 12 ang aktibong kaso kung saan 11 ang naka-confine sa mga ospital habang isa ang naka-quarantine.
Narito ang naitalang kaso ng COVID-19 pandemic sa nasabing rehiyon:
– Albay – 37
– Catanduanes – 1
– Camarines Sur – 8
Wala ring bagong naitalang gumaling sa nakakahawang sakit sa Bicol.
Patuloy namang hinihikayat ng DOH CHD – Bicol ang mga residente sa rehiyon na sumunod sa preventive measures laban sa COVID-19.
Kabilang dito ang pagsusuot ng face mask, social distancing, paghuhugas ng kamay, cough etiquette, healthy lifestyle at pag-disinfect sa mga bagay na madalas gamitin.
Sundin din anila ang community quarantine procedures.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.