12.1 milyong pamilya, nakatanggap na ng cash aid sa ilalim ng SAP

Mahigit 12.1 milyong pamilya na ang nakatanggap ng cash assistance sa ilalim ng Social Amelioration Program (SAP) ng pamahalaan.

Sa datos na inilabas ng Department of Social Welfare and Development (DSWD) hanggang 8:00 ng gabi (May 3), katumbas na ito ng 67 porsyentong target bigyan ng ayuda ng gobyerno.

Sa nasabing bilang, higit 3.8 milyon ay Pantawid Pamilya beneficiairies.

Nasa 40,418 naman ang public utility vehicle (PUV) drivers na nabigyan ng tulong-pinansiyal.

Sa ngayon, tinatayang P65.6 bilyon na ang na-disburse na pondo ng pamahalaan para sa SAP.