Insentibo para sa mga negosyo at magbabalik-probinsya, inirekomenda ng isang kongresista
Suportado ni Ang Probinsyano Party list Rep. Alfred Delos Santos ang panukalang Balik-Probinsya Program bilang paraan para matulungan ang mga stranded na Pilipino at mga nawalan ng hanapbuhay dahil sa COVID-19 crisis.
Layon rin nitong mapaluwag ang Metro Manila pagkatapos ng enhanced community quarantine para mabilis na ma-contain ang pagkalat ng virus.
Kumbisido si Delos Santos na magandang oportunidad at panimula ang Balik-Probinsya Program para maisulong rin ang pag-unlad sa mga lalawigan.
At para maengganyo ang mga probinsyano sa programa, inirekomenda ng kongresista ang pagbibigay ng insentibo sa mga negosyo o mamumuhunan sa probinsya gayundin sa mga pamilyang uuwi at mananatili sa kanilang lalawigan.
Sa ganitong paraan anya sisigla ang ekonomiya sa probinsya dahil magkakaroon ng kabuhayan at trabaho.
Base sa 2015 census, nasa 12.87 million ang mga tao sa National Capital Region.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.