39 degrees Celsius naitalang maximum heat index sa Metro Manila, kahapon

Mainit at maalinsangang panahon ang naranasan sa Metro Manila sa araw ng Linggo, May 3.

Ayon sa PAGASA, nanatili sa 39 degrees Celsius ang heat index sa Science Garden, Quezon City alas-11 ng umaga.

32 degrees Celsius naman ang naitalang maximum temperature sa nasabing lugar.

Payo ng weather bureau na dalasan ang pag-inom ng tubig at iwasan rin ang physical activities tuwing tanghali at hapon para maiwasan ang heat stress.