Western Visayas, mayroon nang 66 COVID-19 cases
Nakapagtala pa ng tatlong bagong positibong kaso ng COVID-19 sa Western Visayas.
Sa datos ng DOH Western Visayas Center for Health Development hanggang April 29, umabot na sa 66 ang bilang ng tinamaan ng nakakahawang sakit sa nasabing rehiyon.
Kabilang sa bagong kaso ang 43-anyos na babae sa Caluya, Antique; 49-anyos na lalaki sa Caluya, Antique; at 48-anyos na lalaki sa Arevalo, Iloilo City.
Ang dalawang kaso sa Antique ay nakasailalim sa home quarantine habang ang bagong pasyente sa Iloilo City nananatili sa quarantine facility.
Samantala, nananatili sa 24 ang bilang ng residente gumaling sa COVID-19 sa Western Visayas at siyam ang nasawi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.