Bilang ng Filipino sa abroad na pumanaw dahil sa COVID-19, nadagdagan ng 10
Nadagdagan nang 40 ang bilang ng mga Filipino na apektado ng Coronavirus Disease o COVID-19 sa ibang bansa.
Sa datos ng Department of Foreign Affairs (DFA) hanggang April 29, nasa 1,644 na overseas Filipinos (OFs) ang kumpirmadong positibo sa COVID-19 sa 46 na bansa at rehiyon.
Sa nasabing bilang, 1,011 ang patuloy na nagpapagamot sa iba’t ibang ospital.
Ayon sa DFA, 434 naman ang naka-recover sa nakakahawang sakit o na-discharge na sa ospital.
10 ang nasawi pa kung kaya 199 na ang bilang ng Pinoy abroad na pumanaw dahil sa COVID-19.
Pinakamarami pa ring naitalang confirmed COVID-19 positive na OF sa bahagi ng Americas na may 468 na kaso.
Sumunod dito ang Europe na may 461 confirmed COVID-19 positive cases na OF.
Nasa 365 naman ang kaso sa Asia Pacific Region at 350 sa Middle East/Africa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.