Patay sa lindol sa Taiwan, 94 na

Umakyat na sa 94 ang bilang ng nasawi sa magnitude 6.4 na tumama sa lindol sa southern Taiwan noong nakaraang Sabado.

Maliban sa naitalang nasawi, mayroon ding 550 na mga nasugatan ayon sa Taiwan National Fire Agency.

Halos lahat sa mga nasawi ay nakuha sa gumuhong apartment complex sa Tainan City.

Ang apartment na Weiguan Golden Dragon tower ay gumuho nang maganap ang lindol.

Bagaman maraming lumang gusali sa Tainan, tanging ang nasabing apartment building ang tuluyang gumuho.

Mayroon namang 30 pa ang nawawala at pinaghahanap pa rin ng mga otoridad.

Kahit ang pagguho ay resulta ng naganap na lindol, inaresto pa rin ang tatlong katao na pawang dating opisyal ng kumpanyang nagtayo ng nasabing apartment building.