BREAKING: Bilang ng gumaling sa COVID-19 sa Pilipinas, nadagdagan ng 70

Nasa 70 ang panibagong napaulat na gumaling sa Coronavirus Disease o COVID-19 sa Pilipinas.

Sa huling datos ng Department of Health (DOH) hanggang 4:00, Linggo ng hapon (April 26), 862 na ang total recoveries ng nakakahawang sakit sa bansa.

Pito naman ang napaulat na nasawi dahilan para ang COVID-19 related deaths ay umabot sa 501.

Samantala, pumalo na sa 7,579 ang bilang ng tinamaan ng COVID-19 pandemic sa buong bansa.

Sinabi ng kagawaran na 285 ang panibagong napaulat na nagpositibo sa sakit.