Bilang ng Filipino sa abroad na tinamaan ng COVID-19, umakyat na sa 1,337
Nadagdagan pa ang bilang ng mga Filipino na apektado ng Coronavirus Disease o COVID-19 sa ibang bansa.
Sa datos ng Department of Foreign Affairs (DFA) hanggang April 25, nasa 1,337 na overseas Filipinos (OFs) ang kumpirmadong positibo sa COVID-19 sa 43 na bansa at rehiyon.
Sa nasabing bilang, 825 ang patuloy na nagpapagamot sa iba’t ibang ospital.
Ayon sa DFA, 328 naman ang naka-recover sa nakakahawang sakit o na-discharge na sa ospital.
184 naman ang bilang ng Pinoy abroad na nasawi dahil sa COVID-19.
Pinakamarami pa ring naitalang confirmed COVID-19 positive na OF sa bahagi ng Europa na may 413 na kaso.
Kapwa umabot naman sa 327 ang confirmed COVID-19 positive na OF sa Asia Pacific Region at Americas.
Sa Middle East/Africa, nasa 270 ang naitalang kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.